सञ्चारकर्मी पौडेलको ‘सँगसँगै’ सार्वजनिक

काठमाडौं । गीतकार तथा सञ्चारकर्मी हरिराम पौडेलको म्युजिक भिडियो ‘सँगसँगै’ शुक्रबार किरण क्रिएसन युटुब च्यानलमार्फत सार्वजनिक भएको छ । म्युजिक भिडियो लिस्नर्स क्लब नेपालद्वारा ‘प्रतिभासँग हातेमालो’ परियोजनाअन्तर्गत निर्माण गरिएको हो ।

जुम–प्रविधिमा गरिएको भर्चुअल कार्यक्रममा अग्रज कवि तथा गीतकार दिनेश अधिकारी र कृष्णहरि बराल, गीतकार संघका अध्यक्ष चूडामणि देवकोटा तथा नवनारी मासिककी सम्पादक तथा गीतकार जानुका ढकालले म्युजिक भिडियोको पोस्टर एकसाथ सार्वजनिक गरेर म्युजिक भिडियो लोकार्पण गरेका थिए ।

अहिलेका चर्चित गायक–गायिका एलिना चौहान र किरण भुजेलको स्वर रहेको सो गीतको लय तथा संगीत सिर्जना संकेत अगस्तीले गरेका हुन् । गीतको म्युजिक भिडियोमा विनोद बमको निर्देशन तथा गायक किरण भुजेल र मोडल निभा अधिकारीको अभिनय छ ।

from Online Khabar https://ift.tt/3m1FMEj